Се укинуваат епидемиолошките мерки за влез во Србија

Од ноќеска на полноќ престануваат да важат сите мерки за контрола и ограничувања за влез на лица во Србија, во врска со заразната болест Ковид-19, како за странските, така и за домашните државјани.

„Од полноќ, српките државјани, како и страските државјани, при влез во Србија нема да бидат обврзани да имаат негативен ПЦР тест, брз антигенски тест, доказ за прележано заболување или потврда за вакцинација, без разлика од која земја доаѓаат во Република Србија“ – се наведува во соопштението на српската Влада.

Одлуката за слободен влез на српски и странски државјани во земјата се заснова на моменталната епидемиолошка состојба во Србија и е во согласност со одлуките на повеќето земји во Европа и регионот.

Надлежните институции од час во час продолжуваат да го следат развојот на епидемиолошката состојба во Србија и навремено ќе ја информираат јавноста.

„Важно е да се напомене дека оваа одлука не значи дека пандемијата на корона вирус е завршена и дека граѓаните не треба да се грижат за своето здравје. Препораката за носење маски во затворен простор останува на сила, а носењето маски во здравствените установи е задолжително. Ковид амбулантите, пунктовите за тестирање на вирусот Ковид-19 и пунктовите за вакцинација продолжуваат да работат вообичаено“ – соопштија од Владата.

Инаку од почетокот на пандемијата во Србија регистрирани се 2.006.695 случаи на зараза и 15.999 смртни случаи.