Професорот од Универзитетот Џон Хопкинс – Даниел Сервер, рече дека клучното прашање за Владата на Косово е што е поважно: отворањето на главниот мост на Ибар или односите со САД и ЕУ?
„Не знам што е поважно од ова, има неколку мостови веќе отворени и тоа треба да го направат властите во Приштина, но подобрувањето на односите со Американците и Европејците е многу важно за Косово“, рече Сервер во изјавата за РТК, како што пренесува Косово онлајн.
Тој додаде дека властите во Косово имаат право да одлучуваат за вакви прашања, но оваа одлука, според него, мора да се одмери во однос на другите опции и придобивките што ги носи.
„Не се работи за правилно, за добро и за погрешно, туку одговорност на властите во Приштина е да одмерат кои се штетите и кои се придобивките“, објасни Сервер.
Тој потсети дека Американците и Европејците секогаш зборуваат за координација, додека суверената сила на Косово може: или да ја понуди оваа координација или да не ја понуди.
„Сега прашањето е што е поважно: отворањето на мостот или односот со Американците и Европејците“, посочи Сервер.
Тој додаде дека во оваа ситуација Косово треба да ги подобри односите со САД и со ЕУ.