![](https://triling.mk/wp-content/uploads/2022/09/ewterfe-750x430.jpg)
„Неполна година Град Скопје стагнира, не се развива, не се реализираат нови проекти, а наследените се намерно стопирани“ велат од СДСМ
„И сето тоа само заради одредени бизнис интереси на Христијан Мицкоски и неговата ВМРО-ДПМНЕ.
Тоа најдобро се виде со тендерот од 136 милиони евра за пречистителна станица, кој на површина го извади вистинското лице на ВМРО-ДПМНЕ.
Повеќе од 10 месеци Данела Арсовска и ВМРО-ДПМНЕ раководат со Град Скопје, тоа е период на неработење, на безидејност и на груба партизација на градската адмнистрација.
Мостовите на улица Љубљанска и булеварот АСНОМ, БРТ системот, Универзална сала, Скопје смарт сити, се само дел од проектите што Арсовска и ВМРО-ДПМНЕ ги наследија а не ги продолжија, а не е реализиран ниту еден нов проект.
Тоа е директно на штета на Градот и на неговите граѓани.
Наместо на проекти за развој на Градот, ВМРО-ДПМНЕ; Мицкоски и Арсовска биле посветени единствено на тендери и лични бизнис интереси.
Скопјани не заслужуваат ваков неодговорен, расипнички однос, Мицкоски и Арсовска треба да им се извинат на граѓаните за тоа што ги излажаа на претходните избори“, се вели во сопштението на владејачката партија.