Сабаленка се пласира во четвртфиналето на УС Опен

Белоруската тенисерка Арина Сабаленка ноќеска ја победи Шпанката Кристина Букша со 6:1, 6:4 во осминафиналето на Отвореното првенство на САД.

Мечот траеше 1 час и 14 минути. Дваесет и седумгодишната Белорусинка имаше три аса, две двојни грешки и три реализирани брејк топки од девет шанси.

Во четвртфиналето првиот светски рекет ќе се соочи со Маркета Вондрушова (Чешка).

Пласман помеѓу осумте најдобри на женскиот дел од УС Опен досега изборија и Џесика Пегула (САД) и Барбора Крејчикова (Чешка).

Вкупниот награден фонд на Грен слемот во Њујорк изнесува 90 милиони долари.