Руски медиуми: Асад е во Москва, веднаш доби азил

Поранешниот сириски претседател Башар ал Асад е во Москва и доби азил во Русија, изјави извор од Кремљ за руската државна новинска агенција Тас.

„Асад и членовите на неговото семејство пристигнаа во Москва. Русија им даде азил врз основа на хуманитарни причини“, рекол изворот на агенцијата.

Претходно беше објавено дека Башар ал Асад можеби е мртов, откако авионот со кој полетал од Дамаск, исчезнал од радарот.