Гувернерот на Курската област, Роман Старовојт изјави дека во ноќниот напад на украинскиот дрон на железничката станица во Курск биле оштетени покривот, фасадата и едната платформа, а 50 патници кои биле во зградата во моментот на нападот беа евакуирани.
Од петте полесно повредени од урнатините, две одбиле лекарска помош, а три лица се испратени на преглед во болница и веќе се пуштени, соопшти Старовојт.
„Сега се елиминирани главните последици од синоќешниот напад на украинско беспилотно летало на железничката станица Курск. Пожарот е изгаснат во 3 часот и 46 минути. Оштетени се покривот, фасадата и првата платформа“, напиша Старовојт на „Телеграм“.
Тој додаде дека има оштетувања во чекалната и во пешачкиот тунел и дека санирањето на тие штети ќе започне што е можно поскоро, пренесува Интерфакс. Тој претходно објави дека украински дрон паднал на покривот на зградата на железничката станица во Курск, а потоа избувнал пожар.
Курск е град во западниот дел на Русија, на границата со Украина.
So… 👀👀👀
KURSK… BAVOVNA 🔥🔥🔥The UAV attacked the city station. Smoke is visible, broken glass inside. pic.twitter.com/ZDqLFjDP8b
— MAKS 23 👀🇺🇦 (@Maks_NAFO_FELLA) August 20, 2023
Нападот на железничката станица предизвикал пожар кој бил локализиран и изгаснат неколку часа по инцидентот.
Гувернерот Старовојт најави дека во најбрз можен рок ќе започне санирањето на штетите.
Покрај покривот, фасадата и платформата, во нападот се оштетени и чекалната и тунелот за пешаци.