Дмитри Рогозин, поранешниот шеф на руската вселенска агенција Роскосмос, е повреден вчера во украинското гранатирање на Доњецк, јавуваат руските агенции.
Хотелот во кој живееше група руски воени советници, меѓу кои и Дмитриј Рогозин, беше под оган во Доњецк. Поранешниот шеф на Роскосмос е ранет во грбот, неговиот живот не е во опасност, изјави за РИА Новости неговиот помошник.
– На периферијата на Доњецк, гранатиран е хотел во кој во последните месеци живеела група воени советници, меѓу кои и Дмитриј Рогозин. Самиот Дмитриј Рогозин бил ранет во грбот и бил хоспитализиран. Нема закана по неговото здравје. Повреди со различна тежина се здобиле и лицата кои го придружувале – рече тој.
Според него, ударите биле изведени со прецизно наведувана муниција, најверојатно од самоодната артилериска единица Цезар калибар 155 мм, пренесува РИА Новости.
Рогозин беше на чело на руската вселенска агенција до јули оваа година.