Роналдо во Наполи кај Елмас?

Португалскиот фудбалски ас Кристијано Роналдо побара да си замине од Манчестер јунајтед, па неговата фудбалска иднина е неизвесна.

Агентот на фудбалерот – Жорге Мендеш подолг период разговара со клубови од сите посилни лиги во Европа.

„Атлетик“ објавува дека една од можните следни дестинации на Португалецот е и Наполи. Наводно претседателот на клубот од Неапол, Аурелио де Лаурентис е заинтересиран да му понуди договор на еден од најдобрите фудбалери на сите времиња, а со тоа постои добра шанса македонскиот фудбалски репрезентативец Елиф Елмас идната сезона да биде соиграч со Роналдо.

Интерес за Роналдо има и од Челси, а агентот контактирал и со Баерн Минхен.