РК Алкалоид е вицешампион на Македонија

РК Алкалоид во својата дебитантска сезона воСуперлигата постигна резултат кој е многу над очекувањата. РК Алкалоид е вицешампион на Македонија.

Со освојување на второто место РК Алкалоид обезбеди директен пласман во групната фаза од Европската лига на ЕХФ и пласман во меѓународната СЕХА-лига следната сезона.

– Тимот на РК Алкалоид за оваа сезона беше составен од македонски играчи, од кои поголем дел млади играчи, што нѐ прави особено горди на успехот – информираат од клубот.

РК Мулти Есенс во својата прва сезона од основањето доминантно го освои првото место во Првата лига на Македонија и експресно се пласираше еден ранг повисоко, во Суперлигата.

– Успесите на екипите од младинските категории нѐ прави исклучително среќни бидејќи тоа е доказ дека нашиот систем на функционирање е насочен спрема создавање ракометари кои ќе бидат дел од нашите сениорски екипи. Особено сме горди на достигнувањата на сите наши ракометни тимови и им посакуваме многу успех следната сезона во европските и во домашните првенства. Само напред, момци, и одиме заедно кон нови победи! – стои во објавата на АД Алкалоид Скопје.