Олексеј Резников – украинскиот министер за одбрана на Фејсбук напиша дека „расте незадоволството и деморализацијата кај руските окупаторски сили“.
„Ситуацијата на позициите е контролирана. Навистина, имаме загуби. Но, секое име, секој херој ќе биде запаметен. Исто како и секој убиец што нема да биде заборавен. Ја разбираме вредноста на животот и слободата. Животот на секој Украинец е бесценет“ – напиша Резников на Фејсбук.
Непријателот губи со десетици механизирани единици. Еноставно ги остава и бега, додава украинскиот министер.
„Ние на овој начин го надополнуваме нашиот возен парк. Непријателот ќе умре од сопственото оружје. Кремљ сè уште не е подготвен да го признае своето фијаско, но овој пат тоа е речиси тука. Расте незадоволството и деморализацијата кај руските окупаторски сили. Тие почнуваат јасно да ги гледаат работите, исто како и некои руски олигарси“ – истакна Резников.
Според него, Кремљ конечно ги отфрли обидите да ги скрие своите намери.
„Тие дојдоа да ја уништат нашата земја, да го уништат нашиот народ. Нема да успеат. Водат војна против жени и деца. Не успеаја да ги победат бранителите на Харков и почнаа да се борат против Универзитетот во Харков. Русите се обични терористи. И терористите ќе бидат ликвидирани. Правиме максимални напори да обезбедиме хуманитарни коридори, да ги извадиме нашите луѓе од гранатирање, да обезбедиме испорака на хуманитарна помош“ – пишува Резников.