Земјотрес со јачина од 6 степени според Рихтеровата скала денеска ја погоди Јапонија.
На социјалните мрежи се објавени првите видеа кои наводно прикажуваат моменти за време на земјотресот на островот Хокаидо. На видеото се слуша силен татнеж, а потоа зградите почнуваат да се тресат. Земјотресот, како што соопшти ЕМСЦ, се случил на длабочина од 112 километри.
Епицентарот бил токму на островот Хокаидо. Засега не е издадено предупредување за цунами.