Протест денес пред МНЗ.Болните од цистична фиброза со барање да им се даде новата, модуларна терапија трикафт.Таа за нив значи колку-толку пристоен живот и спас од смртта, но и да алармираат дека сега не добиваат терапија редовно и имаат многу проблеми со хоспитализацијата.
Во земјава со оваа болест живеат околу 130 лица.
Директорката на Клиниката за детски болести, Стојка Нацева – Фуштиќ, која е поддржувач на Асоцијацијата за цистична фиброза, потврдува дека проблемот е во високата цена. Сепак, е децидна дека економската криза не смее да биде изговор.
„Правото на лекување во услови кога постои таква терапија, посебно за одредени болни кои се во понапредна фаза на болеста, терапијата за нив живот значи, мислам дека не треба да биде пречка ни состојбата во државата ни финансиите, треба да се изнајде начин да се обезбеди“, вели Нацева – Фуштиќ.
Фики Гаспар, еден од пациентите кој има цистична фиброза, рече дека целта е да се даде до знаење на надлежните и до лицата кои се одговорни за оваа состојба дека имаат лек, тој лек е на дофат и зависи од нив. Треба да им се донесе и со тоа да се овозможи право да се борат и да преживеат.