Протест на медицински персонал од Клиничка болница Тетово

Медицинскиот персонал од Клиничка болница Тетово кои работат со договори на дело и денес протестираа собирајќи се пред Ургентниот центар. Велат дека секој ден ќе ја прекинуваат работата на кратко за јавно да го изразат својот револт од тоа што немаат нови договори и ветените решенија за вработување на неопределено време, како и две неисплатени плати.

Ивона Неделковска пред медиумите посочи дека како медицински персонал, и покрај овие услови се на работа ден и ноќ, даваат се за пациентите во најтешките одделенија во итни случаи и во секој агол на тетовската болница.

– Но денес немаме плати, немаме договори, немаме никакви одлуки, нема почит. Тетовската болница ја одржуваме во живот, но тие не заборавија. Не бараме подарок, ја бараме нашата задоцнета плата, го бараме договорот што ни недостасува, бараме заслужени и ветени одлуки. До кога ќе продолжи оваа неправда нема да молчиме и нема да застанеме затоа што без нас нема болница, без плати-има протест тетовската болница не познава пациентите, пациентите не ценат време и лидерите да дејствуваат. Платите ни се правични, нашиот власт не запира нашето достоинство, не преговара лекарите спасуваат луѓе, нашиот персонал ги спасува лекарите. Прашањето е, кој ќе нè спаси нас, истакна Неделковска.

Во име на раководството на Клиничка болница Тетово, со новинарите разговараше, главна сестра на Клиничката болница Линдита Заими која образложи дека станува збор за наследен проблем кој установата не може да го реши. За разлика од директорот Агим Бериша кој во петокот рече дека има согласности за нови договори од Министерство за здравство, па се чека само од Финансии, Заими смета дека тоа ќе го направи новиот министер.

– Проблемот не е во тоа дека нема да се исплати. Знаете вие немавме министер и мора министерот да потпише за согласноста за исплата на платите додека се среди се надеваме неделава, ќе има нов министер и министерот ќе излезе во пресрет на нашите барања. И секако сме на страната на вработените, без оглед. Не е проблем што сме го создале ние, сега можеби може да има некои пропусти нешто. Меѓутоа проблемите се наследени, од минатото, истакна Линдита Заими.

Во петокот, директорот истакна дека во Владата се прават напори да се најде начин сите лица ангажирани со договор на дело да добијат и вработување на неопределено време.