Затвореник од Струга бил прободен со остар предмет ноќеска во затворот „Идризово“ во Скопје.
„Во СВР Скопје, 20 минути по полноќ од Казнено-поправната установа Затвор Идризово било пријавено дека околу 23:40 часот во едно од одделенијата во установата со остар предмет бил повреден осуденикот С.М.(36) од Струга“ – соопштија од МВР.
Оттаму информираат дека повредениот бил пренесен во Комплексот клиники „Мајка Тереза“ за укажување лекарска помош. МВР презема мерки за расчистување на случајот.
Дел од медиумите се со информации дека повредениот се бори за живот.