Претседателот на пратеничката група на Алијансата за иднината на Косово (АБК), Бесник Тахири, оцени дека Албин Курти е „во фаза на предавање“ и оти очекува наскоро барањето на оваа партија за импичмент на Владата да се расправа во Собранието.
– Курти доби два предлози, еден е поднесен и ќе одлучи дали ќе поднесе оставка или ќе биде сменет или ќе најде решение на нови избори. Тој е само жртвуван во оваа фаза затоа што гледа што му се подготвува – изјави Тахири во гостувањето на ТВ Т7, пренесува Газета експрес.
Коментирајќи ја изјавата на Курти дека е отворен да ја поддржи опозицијата за изборите, тој објасни дека АБК веќе изнела таков предлог.
– Ние го дадовме тој предлог. Само нека каже кога и ќе гласаме и ние – рече Тахири.
Тој посочи дека опозицијата и помогнала на власта во Собранието во правењето на некои договори.
Тахири потсети дека неодамна побарал да се формира истражна комисија во која ќе се испитуваат некои потпишани договори.
– Треба да има писмен извештај од министерствата дека некој ресурс ги поминал тендерите, а ние побаравме од ревизорот така да се справи. Со ова треба да се позанимава Канцеларијата на главниот ревизор, бидејќи е за општо добро – заклучи Тахири.