Претворил станови во лаборатории за одгледување марихуана – уапсен е 31-годишник во Белград

Полицијата во Белград, заедно со Националниот тим за нелегални лаборатории, откри и спроведе сложена операција за деактивирање на две нелегални лаборатории за производство на марихуана.

Со наредба на Вишото јавно обвинителство во Белград, уапсен е И.А. (31) под сомнение дека сторил кривично дело неовластено производство и дистрибуција на наркотични дроги.

Полицијата, со употреба на заштитна и тактичко-техничка опрема, пронашла две нелегални софистицирани лаборатории за производство на марихуана во вештачки услови, со метални генератори на јаглерод диоксид под притисок, во два стана на Звездара.

Пронајдени се вкупно 350 растенија во фаза на вегетација и во завршна фаза на развој и цветање, како и околу 160 собрани растенија канабис со цветови кои се сушеле и подготвувале за понатамошна дистрибуција со тежина од околу 30 килограми.

Осомничениот е задржан до 48 часа, по што ќе биде приведен во Вишото јавно обвинителство во Белград, заедно со кривична пријава.