Прв зад решетки за „Ласкарци“: Јане Бабаровски ја издржува казната во Идризово

Основниот кривичен суд Скопје стави крај на дилемите околу тоа кој од осудените за трагедијата кај Ласкарци е веќе во затвор, а кој е на слобода.

Во официјално соопштение, Судот информираше дека осудениот Јане Бабаровски веќе еден месец ја издржува својата затворска казна во КПУ Идризово, додека за спроведувањето на сите останати осудени лица, вклучително и оние по кои се трага, прстот го впери кон Основниот суд во Гостивар.

Ова појаснување доаѓа по серијата медиумски прашања и јавниот притисок поврзан со извршувањето на правосилната пресуда за предметот К.бр. 1407/19, познат во јавноста како „Дурмо Турс“, особено по информациите дека дел од осудените не се достапни за органите на прогонот.