Почина Александар К., управителот на т.н. кабаре „Пулс“ во Кочани, каде што на 16 март 2025 година изби пожар и животот го загубија 59 лица. Тој е 60. жртва од трагедијата во Кочани.
Управителот на „Пулс“ почина додека беше на лекување во Литванија. Тој беше еден од осомничените во истрагата.
Министерот за здравство Арбен Таравари ја потврди информацијата и истакна дека Карадакоски бил еден од пациентите кои биле најкртични.
„Од први април му откажаа и бубрезите, беше ставен на дијализа, и за жал утрово ја добив лошата информацоија дека тој починал. 40 отсто од неговото тело беа со изгореници. Главниот проблем беше инфекцијата“, изјави Таравари.