Постепено се нормализира авиосообраќајот во Грција

По неколкучасовен прекин во воздушниот сообраќај, постепено започнаа полетувања, но и слетувања од аеродромите, пред сè од атинскиот, што е и најголем во земјата, каде што имаше доцнења на 75 летови.

Авиосообраќајот во Грција постепено се обновуваа по техничкиот проблем со Атинскиот информативен регион за летови (FIR) што денеска ги попречи слетувањата и заминувањата од меѓународниот аеродром во Атина и од регионалните аеродроми.

По неколкучасовен прекин во воздушниот сообраќај, постепено започнаа полетувања, но и слетувања од аеродромите, пред сè од атинскиот, што е и најголем во земјата, каде што имаше доцнења на 75 летови.

На аеродромите, според Грчката управа за цивилно воздухопловство, се обработуваат до 35 полетувања и пристигнувања. Оттаму велат дека продолжуваат да го истражуваат инцидентот во координација со надворешни агенции.

Претходно информациите беа дека проблемот е поврзан со централните радиофреквенциски системи на Центрите за контрола, кои се одговорни за координирање на сите летови што влегуваат во грчкиот воздушен простор. Радиофреквенциите што го опслужуваат погодениот центар денеска престанаа да работат, приземјувајќи ги авионите и влијаејќи на распоредите, додека авионите што веќе беа во воздух продолжија нормално да сообраќаат.

Директива издадена од властите дозволуваше само прелети за авиони што минуваат низ грчкиот воздушен простор без слетување.