Гимназијата во францускиот град Арас, каде во петокот беше избоден до смрт учител, денеска е евакуирана поради закана за бомба, јавуваат француските медиуми.
Полициската екипа и екипите за експлозиви пристигнале на местото на настанот и се врши вештачење на ранците на учениците, јавува БФМ ТВ.
Професорите и учениците од гимназијата „Гамбета-Карно“ се собраа во дворот на зградата спроти нивното училиште, а по нив следеше и персонал од цивилната заштита.
20-годишен маж од руската кавкаска република Ингушетија, на границата со Чеченија, избоде професор и рани уште две лица во нападот, кој францускиот претседател Емануел Макрон го нарече „баварски исламски тероризам“, по што Франција го подигна безбедносно ниво на највисоко ниво и распореди 7.000 војници низ целата земја.