Украинските антикорупциски власти утрово ја претресуваат куќата на Андриј Јермак, началникот на кабинетот на украинскиот претседател Володимир Зеленски, објави Украинска правда.
Според снимките од украинската веб-страница, околу 10 службеници на Националното биро за борба против корупција на Украина (НАБУ) и Специјализираното обвинителство за борба против корупција (САПО) влегле во делот од Киев каде што се наоѓаат владини згради.
Украинските медиуми претходно објавија дека најблискиот круг на Володимир Зеленски го советувал да го отпушти Јермак поради неговата вмешаност во случајот со корупција во енергетскиот сектор.
Идејата била поддржана од многу членови на Радата.
Наместо тоа, Зеленски го назначил за шеф на преговарачката делегација со САД и другите партнери на Киев за решавање на конфликтот.