Властите на Европската унија постојано не успеаја да ги заштитат жртвите на злоупотреба од моќни политичари, поради културата на апатија кон случаите на злоупотреба која владее во Европскиот парламент, објави „Политико“ по голема истрага.
Соговорниците на весникот велат дека обемот на злоупотреба во седиштето на демократијата на ЕУ е „надвор од контрола“, а други изјавиле дека претрпеле сексуална злоупотреба и дека „менталните игри“ се секојдневна појава.
Некои жртви дури наведуваат дека им било советувано да дадат отказ, а повеќемесечната истрага на „Политика“ покажала дека ниско рангирани бирократи биле истрауматизирани по долгогодишно злоставување.
Сведоците и жртвите, кои зборуваа под услов да останат анонимни, опишаа дека злоупотребата ги натерала да се чувствуваат „физички и психички мртви“ и дека дури размислувале за самоубиство. Многумина страдаа од лишување од сон и анксиозност додека чекаа со месеци да се истражат нивните жалби, а еден од интервјуираните опишува дека се чувствува како „затвореник на смртна казна“.
„Вработените се плашеа да поднесат жалби бидејќи процесот е многу стресен за жртвите“, рече чешкиот европратеник Маркл Колаја.
Жртвите, во најголем дел, одбиваат да го започнат процесот бидејќи се чини дека тој е пристрасен во корист на европратениците, а во некои случаи жртвите биле одбиени откако поднеле жалби.
Во исто време, „Политико“ наведува дека целосната евиденција за целосниот обем на проблемот или не постои, или надлежните ја чуваат во тајност и покрај многуте барања за објавување на информациите. Од 705 европратеници, само 281 поминале низ доброволна обука против малтретирање од 2019 година.
„Сите знаат дека ситуацијата е надвор од контрола“, вели асистент вработен во Европскиот парламент кој се подготвува да поднесе жалба против пратеник во Европскиот парламент.
Една жена која неодамна поднесе оставка поради психичко малтретирање од страна на пратеник во Европскиот парламент, изјави дека во текот на нејзината кариера трпела сексуална злоупотреба од претпоставените. Иако процесите се болни и траат со месеци, некои европратеници се санкционирани, но нивниот идентитет не може да се најде.
Во документите до кои „Политико“ имал пристап, се наведува дека од 2019 до 2021 година собраниските комисии покренале 34 нови истраги за случаи на психичко или сексуално злоставување, а дека 24 се однесуваат на однесувањето на европратениците. Како што се наведува, во осум од 34 случаи прекршителите се казнети. Казните се движат од благи опомени до финансиски казни или забрана за учество во собраниски активности, но проблемот е што санкциите генерално се многу благи.
Претседателката на Европскиот парламент Роберта Мецола неодамна нареди внатрешни реформи кои треба значително да го подобрат процесот на истражување на жалбите за злоупотреба.
Меѓутоа, откако претходните повици за реформи беа игнорирани, активистите, жртвите и загрижените европратеници стравуваат дека и оваа можност ќе биде пропуштена, пишува „Политико“.