Пожар избувнал во викендичката на Миле Зечевиќ додека тој бил во неа

Од Triling Mk Објавено 12/02/2023 18:47 133

Пожар избувнал во викендичка во која бил Зечевиќ Миле генералниот секретар на СДСДМ во Мавровско Леуново.

Тој за медиумите потврди дека пожарот се случил во неговата викендичка, но не откри повеќе детали околу пожарот.

„Денеска наутро (12.02.2023) околу 06.10 часот, М. З. (51) од Скопје во СВР Тетово пријавил дека настанал пожар во внатрешна инсталација на викенд-куќа во село Леуново, сопственост на неговата мајка, во која престојувал. Повредени лица нема, интервенирала гостиварската Територијална противпожарна единица“, велат од МВР.

Пожарот се случил рано утринава, а го гаснеле гостиварските пожарникари.