Кај Неготино, пак, во гаснењето на пожарот е вклучен авион на ДЗС – во првото летање ја погодил целта и се очекува со вториот налет пожарот да успее да се стави под контрола.
Покрај пожарот во Неготино каде што гори т.н. Гоцева шума, попладнево уште еден пожар изби во Тиквешко – на територијата на општина Демир Капија.
За гаснење на тамошниот пожар, ќе се вклучи и хеликоптер на МВР.
„Поради олеснување на воспоставувањето на контрола врз шумскиот пожар во месноста наречена Мал Раковец во општината Демир Капија, за дваесетина минути ќе дејствува еден полициски хеликоптер со ведро од три тона“, информираа од Центарот за управување со кризи (ЦУК).
Кај Неготино, како што веќе информиравме, во гаснењето на пожарот се вклучи авион на Дирекцијата за заштита и спасување (ДЗС).
