Пожарот во „Технометал“ изгаснат, причините дополнително ќе се утврдуваат

Изгаснат е пожарот што попладнево изби во поранешната зграда на „Технометал“, на улица Македонија во центарот на Скопје. Ситуацијата е под контрола и нема опасност за околните згради.

Од Центарот за управување со кризи за МИА информираа дека горела напуштена зграда.

Како што изјави за МИА командирот на скопската Бригада за противпожарна заштита Звонко Томески, пожарот го гаселе едно возило и пет пожарникари, а причината ќе се утврдува дополнително од надлежните служби.

Пожарот бил пријавен од станарите на околните згради.