Тројца пожарникари се повредени при интервенција на пожар на кров од куќа во струшкото село Радожда, потврди командирот на Територијалната против пожарна единица во Струга, Фети Мазари. Противпожарната единица од Струга, синоќа во 23:30 часот, добила пријава за пожар, по што биле испратени шестмина пожарникари.
-Пожарникарите се во добра здравствена состојба, а пожарот е целосно изгаснат, изјавил Мазари.
Како што појаснуваат од Охридската полиција, пожарникарите се здобиле со повреди од струен удар.
Се работи на расчистување на случајот.