Од технички причини повеќе часа без вода е поголемиот дел од градот Дебар.
– Без вода се жителите на населбите “Венец еден”, “Венец два”, “Ќернаница”, дел од центарот на градот и периметарот на деветолетката “Пенестија”, стои во соопштението на Јавното комунално претпријатие “Стандард”, кое стопанисува со водоводот Росоки-Дебар.
Додавате дека нивни екипи се на терен и се справуваат со проблемот.
-Големиот дефект настана како резултат на неовластени приватни интервенции кои предизвикале оштетување на линијата f90, посочуваат од “Стандард”.
Апелираат до сите кои изведуваат работи на терен и извршуваат ископи да бидат внимателни, бидејќи тие се одговорни за оштетување на водоводната мрежа.
Предупредуваат дека кон секого ќе бидат преземени казнени мерки според законските прописи.