Одлуката на хрватскиот Уставен суд дека претседателот Зоран Милановиќ не може да учествува во политичките активности на ниту една политичка партија додека ја извршува таа должност беше целосно очекувана, изјави денеска премиерот на Хрватска Андреј Пленковиќ и оцени дека потегот на Милановиќ да се кандидира за премиер на листата на Социјалдемократската партија (СДП)) e „обид за мини пуч“.
Тој оцени дека е јасно оти е надмината уставната рамка на улогата на претседателот, а не е прекршена само добрата практика, туку и самиот Устав.
„Мислам дека се што се случува со СДП во последните денови и тоа што го направи Милановиќ мора да се нарече вистински зборови, значи, ова е некаков обид за мини-пуч, злоупотреба на институциите, целосно дезавуирање на г. Грбин, за кого повеќе не гледам дека е претседател на СДП“, изјави Пленковиќ, пренесe ХРТ.