71-годишнен пешак загина во сообраќајна несреќа која вчера се случи во Скопје.
Во него удрило патничко возило „голф 5“ со скопски регистарски ознаки, управувано од 18-годишниот И.Ј. од селото Брест. Несреќата се случила во 19:45 часот на крстосница помеѓу улиците „Кемал Сејфула“, „Александар Урдаревски“ и „Босна и Херцеговина“.
Пешакот им подлегнал на повредите на местото на несреќата, а лекар од Итна медицинска помош констатирал смрт, додека пак, возачот И.Ј. се здобил со телесни повреди, констатирани во Градската општа болница „8 Септември“.