Резултатите од вчерашните лажни избори во четири општини на северот на Косово и Метохија, на кои излегле 1.567 од 45.950 гласачи, а само 13 Срби, покажуваат дека тие избори се пораз за Курти и меѓународната заедница и победа за српско единство, изјави денеска директорот на Канцеларијата за за Косово и Метохија – Петар Петковиќ.
-Тие избори ги организираше Приштина, освен оние 13 што излегоа, сите други Срби останаа дома, контејнерите во кои се фрлаа гласовите беа празни, како и кутиите. Српскиот народ остана смирен, не реагираше на ниту една провокација и покажа целосно единство и дека верува само во претседателот на Србија, Александар Вучиќ и дека има само една држава, а тоа е Србија – рече Петковиќ во гостувањето на РТС.
Тој посочи дека Албанците според вчерашните резултати ќе водат четири српски општини и ќе управуваат со Србите кои сочинуваат 98 отсто од населението на северот на Косово и Метохија и дека српскиот народ целосно се повлече.
-Ова ја покажува новата реалност што се наметнува и дека Србите укажале дека нема да има нормализација на односите и напредок додека не се формира Заедницата на српските општини. Курти сакаше да ги натера Србите да гласаат во контејнерите, а српскиот бојкот покажа дека српскиот народ го испрати Курти во контејнерот – рече Петковиќ.
Тој оцени дека вчерашната победа на изборите е всушност пирова победа и дека сето она што Курти го правел во последните недели и месеци и вели дека вчера ќе има инциденти и дека изборите ќе бидат празник на демократијата – дека сето тоа отиде во вода и дека секој може да го види вистинското лице на Курти, кој сакаше да го искористи изборниот процес за да протера цел народ.
– Би сакал да видам како оние кои ги поддржаа изборите и рекоа дека ќе ги признаат нивните резултати сега ќе ја честитаат новата окупација Галејтер во Лепосавиќ, Косовска Митровица, Звечан или Зубин Поток – рече Петковиќ.