Песков: Западот и праќа разузнавачки информации на Украина!

„Руската армија знае дека САД, НАТО и Велика Британија и доставуваат на Украина не само оружје, туку и разузнавачки информации и прави сè што е потребно во таа ситуација“. Ова денеска го изјави портпаролот на Кремљ – Дмитриј Песков.

„Нашата армија е свесна дека САД, Велика Британија и НАТО во целина постојано пренесуваат разузнавачки и други параметри до украинските вооружени сили. Заедно со испраќањето оружје, тоа се акции кои не придонесуваат за брзо завршување на воената операција, но во исто време не можат да го попречат остварувањето на нејзините цели“ – изјави Песков

Претходно американски претставници информираа дека обезбедиле разузнавачки информации кои им помогнале на украинските сили да ги убијат повеќето руски генерали кои загинаа во војната во Украина.

Наводно, Вашингтон и доставил на Украина детали за очекуваните движења на руските сили и локација и други детали за мобилниот воен штаб на Русија, а Украина ја комбинирала таа помош со сопственото разузнавање за да изврши артилериски напади и други напади во кои биле убиени руски офицери.