![](https://triling.mk/wp-content/uploads/2022/04/7кѕмјѕуј-750x430.jpg)
„Членството во НАТО беше една од нашите клучни стратешки цели уште од независноста, поддржана со широк политички консензус на национално ниво и висока поддршка од граѓаните“ – напиша претседателот Стево Пендаровски на Фејсбук.
Тој во објавата потенцира дека при процесот на пристапување во Алијансата биле потребни тешки одлуки и длабински реформи.
„Процесот на пристапување во Алијансата беше долг, беа потребни тешки одлуки и длабински реформи во нашата Армија и безбедносниот сектор но, денес, кога меѓународниот поредок е во опасност, ја разбираме важноста од членството во НАТО. Членството во Алијансата јасно ја исцртува и нашата долгорочна ориентација за почитување на вредностите кои ги споделуваме со евро-атлантската заедница: слободата, демократијата и владеењето на правото, како предуслови за успешен развој“ – вели Пендаровски.