„Ако веруваме дека сме заедница на народи со заеднички вредности, тогаш мора да прифатиме дека секој може да се оддели. Да дадеме уште еден пример од регионот на Западен Балкан. Како е можно Црна Гора и Србија да преговараат една деценија, а сепак да не постигнат никаков напредок во процесот? Од друга страна, како е можно Босна и Херцеговина и Република Косово да се целосно заборавени во однос на евроинтеграциите? Кога зборуваме за регионот, мора да ги ставиме сите земји на маса, да прашаме како ќе ја зачуваме желбата за европска интеграција на сите луѓе, да ги прашаме сите објективни и реални луѓе, како да го задржиме евроентузијазмот кај граѓаните на Северна Македонија кога 17 години чекаме влез во ЕУ, а уште не сме ги започнале преговорите за овој процес“.
Ова го изјави македонскиот претседателот Стево Пендаровски во интервју за „Еуроњуз“.
Според него, луѓето во САД или тамошната политичка елита се многу повеќе заинтересирани за идејата за обединета Европа отколку некои земји во Европа.
„Некои европски земји, без да именувам, не се толку заинтересирани, не прават толку сериозен обид да го завршат процесот на европско обединување отколку тоа што го прави администрацијата на Вашингтон. Тоа е штета“ смета Пендаровски.