Познатиот шпански режисер и двократен оскаровец, Педро Алмодовар е експлицитен во ставот дека никогаш не би снимал филм во Холивуд. Како што вели, верува дека не постои начин како ги реализира своите достигнувања.
„Имам специфичен начин на работа, а мојата интуиција ми кажува дека тоа не е така како што се прави во Холивуд или во големите филмски студија“, рече режисерот и додаде дека тој е пред се уметник.
Исто така, една од причините зошто Алмодовар не сака да работи во Холивуд е фактот што, како што самиот вели, е „контрол фрик“ и што сака целосно да го контролира секој сегмент од работата на филмот како и конечната верзија, која во Холивуд ја одредуваат продуцентите, а не режисерите.
„Јас правам сè, јас ги донесувам одлуките“, вели режисерот, кој додава дека е ужаснат што понекогаш кога гледа одредена серија, гледа дека режисерот едвај се споменува на крајот од епизодата.
„Дури и кога читате филмски списанија, гледате како се разговара за актерите, а не за режисерите. Добро, се споменуваат Тарантино и Скорсезе, но ми се чини дека режисерот е само член на техничката екипа на филмот. Прашање е на моќ тој во таков систем мора да слуша многу луѓе, продуценти, актери, а во некои случаи и агенти. Не чувствувам дека тоа е систем во кој можам да работам“, заклучи Алмодовар.