Орбан: Предлогот на Брисел 20 проценти од буџетот да оди за Украина е пат кон пропаст
Орбан на својот профил на мрежата „X“ појасни дека Брисел нема свои пари, туку ги користи парите на земјите-членки за финансирање на војната во Украина.
Унгарскиот премиер Виктор Орбан денеска изјави дека предлогот на Брисел да издвои 20 проценти од следниот буџет на Европската Унија за Украина е „пат кон пропаст“.
„Се предлага повеќе од 20 проценти од следниот буџет на ЕУ да оди за Украина додека европската економија е во големи проблеми. Финансирањето на војната со зголемување на долгот и даноците не е стратегија, туку пат кон пропаст. Време е за мир, време е да се обнови Европа“, нагласи Орбан.