Од 2027 година на пазарот на ЕУ ќе биде потребен дигитален пасош за облека

За облека наменета за пазарот на Европската Унија, дигиталните пасоши би можеле да се воведат од 2027 година за да се докаже нејзиното потекло, што се податоци што потрошувачите ќе можат да ги видат со скенирање QR кодови или електронски ознаки, објавува Ројтерс.

Со скенирање на QR код, потрошувачите ќе можат да проверат дали тврдењата на модната марка за „зелено“ или еколошко потекло на одредено парче облека се точни.

Дигиталните пасоши ќе им кажат на потрошувачите од што е направена облеката, колку енергија, вода и хемикалии се користени за нејзино производство, како и кој учествувал во секоја фаза од нивното производство.

Добавувачите на текстил од Бангладеш, вториот најголем извозник на облека во светот, можеби ќе мора да ја имплементираат почетната верзија на дигитален зелен пасош за облека извезена на европскиот пазар уште во 2027 година, според анализата на Истражувачката служба на Европскиот парламент.