Градоначалникот на Белград, Александар Шапиќ, најави дека јавниот превоз во Белград ќе биде бесплатен за сите од 1 јануари 2025 година.
„Од 1 јануари 2025 година целиот јавен превоз во Белград ќе биде бесплатен. Така, веќе никој нема да мора да плаќа билет. Нема веќе месечни, годишни или попусти“, објави Шапиќ на прес-конференција.
Тој рече дека со оваа социјална мерка Градот Белград станува лидер во јавниот превоз и дека ќе биде единствениот град во Европа со повеќе од половина милион жители каде што јавниот превоз е бесплатен.
Вакво нешто беше ветувано и од страна на актуелната градоначалничка Данела Арсовска, но не само што не се реализираше, туку настана и целосен крах на јавниот превоз, поради недостаток на гориво.