Обединетото Кралство, САД, Италија, Австралија и Канада соопштија дека го суспендираат целото финансирање на агенцијата на ОН додека не се реши случајот со обвинувањата дека нејзиниот персонал бил вклучен во нападот на Хамас врз Израел на 7 октомври.
Во петокот, Агенцијата на Обединетите нации за помош и работа (UNRWA) соопшти дека отпуштила „неколку“ вработени по израелските наводи дека 12 вработени биле вклучени во нападот на 7 октомври.
Шефот на УНАРВА, Филип Лазарини, рече дека одлуката за отпуштање на персоналот е донесена „за да се заштити способноста на агенцијата да доставува хуманитарна помош“.
„Секој член на персоналот на УНАРВА вклучен во акти на тероризам ќе биде повикан на одговорност, вклучително и преку кривично гонење“, додаде тој.
Во соопштението на Стејт департментот, САД рекоа дека се „екстремно вознемирени“ од обвинувањата и истакнаа дека „привремено го суспендирале дополнителното финансирање за УНРВА додека ги разгледуваме овие наводи и чекорите што ОН ги преземаат за да ги изведат одговорните пред лицето на правдата“.
„Сите инволвирани во монструозните напади на 7 октомври мора целосно да одговараат“, се вели во соопштението.
Претходно од Обеднедитите нации бараа одговорност од Израел заради масовните напади.
Висок израелски функционер изјави за новинската агенција Аксиос дека Шин Бет и ИД обезбедиле информации во кои се тврди дека на 7 октомври персоналот на УНАРВА бил активно вклучен и дека користеле возила и опрема на агенцијата.