Нмеча останува во Борусија Дортмунд до 2030

Фудбалерот од средниот ред на Борусија Дортмунд, Феликс Нмеча, го продолжи денеска договорот со бундеслигашот до јуни 2030 година.

Претходниот договор на 25-годишниот Нмеча со клубот од Дортмунд беше со важност до јуни 2028 година, а сега е продолжен, но не се знае точно под кои услови, објави агенцијата ДПА.

Нмеча се приклучи на Борусија од Волфсбург во 2023 година во трансфер 30 милиони евра.

Борусија е второпласирана на табелата во Бундеслигата со 55 бодови, 11 помалку од лидерот Баерн Минхен.