Корнелија Нинова – лидерката на партијата БСП, актуелен вицепремиер и министер за економија го напад на Фејсбук претседателот Румен Радев и порача да престане да шпекулира за Македонија.
„Господине претседателе, да се користи патриотизмот на Бугарите за да се добие личен рејтинг е подло“ – напиша таа Фејсбук.
Ваквата реакција на Нинова доаѓа по денешната изјава на Радев дека премиерот Петков се претворил во француски курир и го префлил предлогот за преговарачката рамка до собранието.
„Ја повикувате владата да ги отфрли сите сомнежи дека може да го укине ветото за Македонија. Покренувате сомнеж. Кабинетот постојано повторува: Нема да го укинеме ветото. Единственото тело што може да владее е парламентот. Во текот на неделата, владата донесе недвосмислена одлука: секој предлог од Брисел да се испрати до Националното собрание и тоа да одлучи. Многумина прашуваат зошто Националното собрание? Па, одговорот е едноставен: затоа што Националното собрание го ратификуваше договорот со Република Северна Македонија. Ниту едно друго тело не смее да ги менува условите на овој договор“ – вели таа.
Нинова реторички го прашува претседателот: „Дали сакате да го вратите моделот Борисов, кога тој носеше индивидуални одлуки и за него парламентот беше ништо“.
„Доста ги заблудувате Бугарите. Нема да го предадеме бугарскиот национален интерес… Да се користи вистинското патриотско чувство на Бугарите за да се прави политички ПР и да се добие личен рејтинг е подлост“ смета таа.