Загинувањето на 14 граѓани во модуларната болница во Тетово е е морална причина за неотповиклива оставка на министрите од ДУИ, се вели во реакцијата на новоформараната партија, Демократско движење, на Изет Мeџити.
По извештајот на „ИРЛ“ за прекршувањата во истражните постапки за пожарот во модуларната болница во Тетово каде живи изгореа 14 граѓани, од партијата на Меџити велат дека никој не ја добил заслужената казна.
„Никој не е казнет, затоа што државата е заробена од оние кои немаат совест, затоа што државата е заробена од недопирливите, кои дури и правдата ја третираат како своја сопственост, а се казнуваат само оние кои се без „мускули“, се вели во реакцијата од партијата што ја пренесува порталот „Лајм“
„Сега дури и птиците знаат кој може да биде казнет, а кој не. Одговорноста на тие што ја контролираат власта е голема и чудно е како удобно спијат и по таа страшна трагедија во модуларната болница во Тетово“, се вели во реакцијата.
ИРЛ го објави она што судските органи го премолчиле, што ја прави трагично-комичната фарса на судот во Тетово, кој според оваа партија по неколку седници едвај „собрал“ сили за условни казни“, велат од партијата.
„Јасно е зошто е минимизирана одговорноста за катастрофата која за неколку минути ги однесе животите на 14 пациенти. Оставката е чин поврзан со морална одговорност. Значи тоа е нешто што ја покажува зрелоста и сериозноста на секој поединец кој се согласува да го преземе раководството на државен орган.
Што се однесува до условните оставки на министрите од ДУИ кои тоа го направија за театар, овој настан кој им ги одзеде животите на 14 граѓани е вистинската причина за неотповикливите оставки, за одговорноста што министрите мора да ја понесат за да го докажат моралниот минимум во политика“, се наведува понатаму во реакцијата.