Во светот од коронавирус досега се заразиле над 340 милиони луѓе, соопшти Светската здравствена организација.
Според информациите, добиени се податоци за вкупно 340.543.962 заразени и 5.570.163 починати.
Најголем број заразени со Ковид-19 е регистриран на 20. јануари, кога во рок од 24 часа се идентификувани безмалку 4 милиони случаи.
Најголем број потврдени случаи има во САД – речиси 68,2 милиони.
Следува Индија со 38,6 милиони случаи, потоа Бразил (23,4 милиони), Британија (15,6 милиони) и Франција (15,2 милиони).
Најголем број починати од Ковид-19 има во САД (852.334 лица), потоа Бразил, па Индија, Русија и Мексико.