Сцена

Младата шпанска фудбалска ѕвезда Гави ја заврши сезоната

Од Triling Mk 65

Еден од клучените играч на Барселона и шпанската репрезентација – Гави (19), ја заврши сезоната поради тешка повреда на вкрстените лигаменти. Гави се повреди синоќа против Грузија, во последниот натпревар од квалификациите за пласман на Европското првенство.

Тој со солзи во очите го напушти теренот во 26 минута. Доби удар во десното колено, продолжи да игра, но веќе во наредната акција мораше да го напушти теренот.

Сите шпански медиуми пишуваат дека првите лекарски наоди покажуваат дека ги скинал лигаментите на десното колено, што значи дека сезоната за него заврши и дека нема да му биде достапен на селекторот Де ла Фуенте и за европскиот шампионат.

Повредата на Гави е огромен удар за амбициите на Барса да ја одбрани титулата и да направи резултат во Лигата на шампионите.

Подеднакво се шокирани и хендикепирани од повредата на Гави и во шпанската репрезентација.