Мицкоски потврди дека полицискиот „крт“ Сарамаков бил негов избор

Премиерот Христијан Мицкоски денес потврди дека членот на обезбедување, Ангел Сарамаков, кој во моментов е во притвор поради основи за сомневање дека издавал државни тајни, бил назначен за обезбедување откако тој бил избран за премиер.

– Мора да признаете дека ова не било случај во минатото. Се сеќаваме на многу такви „јунаци“ кои беа во близина на премиерите, кои палеа и жареа низ Македонија и кои беа страв и трепет за луѓето. Јавна тајна беше дека тие се оние кои во сенка ги вршат валканите работи во име на тогашните премиери. Но, јас како човек сакам да испратам јасна порака до граѓаните дека кој и да е, доколку и да ја изневери довербата на граѓаните, ќе биде најжестоко санкциониран. И брат да ми е, и сестра да ми е, и „свети ВМРО“ да е, нема да има милост – рече Мицкоски.