Мицкоски од Кавадарци: Националниот идентитет не е предмет на преговори

„Македонија може да биде европска само ако е стабилна во својата самосвест и сигурна во сопствениот идентитет. Во европската традиција на народните партии, националното не е етноцентричен инструмент, туку демократски израз на заедничка историја, култура и политичка волја. За Македонија ова е особено важно: државата е млада, изложена на историски искушенија и често соочена со обиди за релативизирање на нејзиното постоење“, рече претседателот на ВМРО-ДПМНЕ, Христијан Мицкоски на отворањето на XVIII Конгрес на ВМРО-ДПМНЕ под мотото „Визија што гради држава – За генерацијата што доаѓа 2030“.

Мицкоски потенцираше дека Македонија може да чекори сигурно кон Европа само доколку е стабилна во сопствената самосвест и цврста во заштитата на својот идентитет.

Во таа насока, Мицкоски ја презентираше стратегиската рамка на ВМРО-ДПМНЕ:

„Националниот идентитет не е предмет на преговори; почитта кон другите идентитети е вредност, но не на сметка на сопствениот. Јазикот, историјата и културата се фундаментални државни столбови. Компромисите во меѓународната политика може да бидат технички, но не смеат да бидат суштински. Државното достоинство не е реторика, туку практична политика“, вели Мицкоски.

„Партнерството со НАТО и ЕУ може да биде силно само ако е рамноправно. ВМРО-ДПМНЕ не е радикална десница, ниту класичен конзервативизам затворен во минатото. Центар-десната модернизација подразбира држава што ги зачувува вредностите, традицијата и идентитетот, но истовремено гради динамична економија, иновативна администрација и институции што ја штитат слободата, приватната иницијатива и достоинството на граѓаните“, истакна Мицкоски и додаде:

„ВМРО-ДПМНЕ се позиционира како политичка сила што ги обединува најдобрите традиции на европската конзервативна мисла: развој без идеолошка агресија, патриотизам без исклучивост, економија што создава можности и држава што обезбедува поддршка за најранливите“.

Мицкоски посочи дека Македонија може да биде европска доколку е стабилна во својата самосвест и сигурна во сопствениот идентитет.

,,Македонија може да биде европска само ако е стабилна во својата самосвест и сигурна во сопствениот идентитет. Во европската традиција на народните партии, националното не е етноцентричен инструмент, туку демократски израз на заедничка историја, култура и политичка волја. За Македонија ова е особено важно: државата е млада, изложена на историски искушенија и често соочена со обиди за релативизирање на нејзиното постоење“, вели Мицкоски.