Горниот дом на Конгресот усвои нацрт-закон кој предвидува пакет воена помош за Украина, Израел и Тајван.
Сенатот вчера го усвои долго одложуваниот пакет помош од 95 милијарди долари за Украина, Израел и Тајван.
Конечното гласање беше 79 против 18. Петнаесет републиканци и тројца демократи гласаа против законот.
Сега законот оди кај претседателот Џо Бајден за негов потпис. Бајден претходно најави дека денеска ќе го потпише предлог-законот. Усвојувањето на законот претставува значајна победа за американскиот претседател, демократите во Конгресот и лидерот на републиканците во Сенатот Мич Меконел, кој долго време се залага за испраќање помош за Украина и покрај противењето на десното крило на неговата партија.
The House Sergeant at Arms informed @RepThomasMassie that failure to remove this video depicting our government trading America for Ukraine will result in a $500 fine.
He won’t be able to fine us if we post it in support of Rep. Massie. pic.twitter.com/DrJIJcf3hM
— I Meme Therefore I Am 🇺🇸 (@ImMeme0) April 24, 2024
„Вечерва Владимир Путин нека жали за денот кога ја доведе во прашање американската решителност“, рече лидерот на мнозинството во Сенатот.
Пакетот комбинира четири нацрт-закони за кои Претставничкиот дом изгласа посебно на седницата во саботата.
Таа обезбедува речиси 61 милијарда долари помош за Украина, над 26 милијарди долари за Израел и повеќе од 8 милијарди долари за Индо-Пацификот. Четвртиот закон ги зголемува санкциите против руските средства и содржи одредби поврзани со забраната на TikTok во САД. Тие ѝ даваат на кинеската матична компанија околу девет месеци да го продаде TikTok, или апликацијата ќе биде забранета во американските продавници за апликации.
Во писмената изјава Бајден го поздрави усвојувањето на законот во Сенатот.
„Ќе го потпишам овој предлог-закон и ќе му се обратам на американскиот народ штом ќе стигне до мојата маса за да можеме да започнеме со испраќање оружје и опрема во Украина оваа недела“, рече Бајден.
„Потребата е итна: за Украина, соочена со немилосрдно бомбардирање од Русија; за Израел, кој штотуку се соочи со напади без преседан од Иран; за бегалците и оние кои се погодени од конфликти и природни катастрофи низ целиот свет, вклучително и во Газа, Судан и Хаити; и за нашите партнери кои бараат безбедност и стабилност во Индо-Пацификот“ рече тој.
Украинскиот претседател Володимир Зеленски ја поздрави одлуката на Сенатот да го усвои пакетот странска помош.