Еден од најдобрите фудбалери на денешницата, Лионел Меси, испрати порака со поддршка до Роџер Федерер, кој вчера најави дека се пензионира.
Швајцарецот ќе го „закачи рекетот“ по Лејвер купот, а таа одлука фудбалерот на ПСЖ ја коментираше на социјалните мрежи.
„Гениј, единствен во историјата на тенисот и пример за секој спортист. Се најдобро во вашата нова фаза, ќе ни недостига да ве гледаме на теренот и да уживаме во него“ – изјави Меси.
Leo Messi bid farewell to Roger Federer via IG: “Genius, unique in the history of tennis and an example for any athlete, I wish you the best in your new phase, we will miss seeing you on the court which makes us enjoy.” pic.twitter.com/Y2bWgwz6QK
— Leo Messi 🔟 (@WeAreMessi) September 16, 2022
Член на „големата тениска тројка“, заедно со Рафал Надал и Новак Ѓоковиќ, нема играно од минатогодишниот Вимблдон, а зад себе има богата колекција на победи со кои ја испиша историјата на тенисот.
Со 20 освоени грен слем титули е трет на листата на шампиони, Ѓоковиќ е втор со 21, а Надал е прв со 22 трофеи.
Роџер Федерер освои и 103 АТП титули во сингл, што е второ достигнување во опен ерата, а во текот на кариерата оствари 1.251 победа и претрпе 275 порази, со процент на успешност од 82 отсто.