Меси доби понуда од Ал Хилал, ама принцот Абдулах бин Мусаед вели: Не е ниту блиску до Роналдо!

Лионел Меси преговори за нов договор со францускиот шампион ПСЖ.

Ситуацијата се обидува да ја искористи клубот Ал Хилал од Саудиска Арабија, кој му подготвил договор за паметење на Меси. Според бројните европски медиуми, Ал Хилал му понудил договор од 220 милиони евра по сезона.

Роналдо дојде со понуда од 200 милиони евра годишно во Ал Наср, а сега тие тргнаа по неверојатниот Аргентинец.

Таткото на Лионел Меси, Хорхе, во вторникот бил во Саудиска Арабија. Тоа веднаш ги подгреа шпекулациите дека тој е во преговори да дојде во оваа земја, но многу поизвесно е дека постариот Меси бил таму поради договорот што Лео веќе го има со оваа земја.

Меси потпиша спонзорски договор со Саудиска Арабија. Тој има обврска да го рекламира туризмот на оваа земја и за тоа зема огромни бројки на годишно ниво.

Сепак, поранешниот претседател на Ал Хилал, принцот Абдулах бин Мусаед, смета дека доаѓањето на Аргентинецот во овој клуб не би го надминал она што го направи Ал Наср со доведувањето на Роналдо.

„Ако Лионел Меси дојде во Ал Хилал, клубот нема го надмине тоа што Ал Наср го направи медиумски со доведувањето на Кристијано Роналдо“ – вели принцот алудирајќи дека Португалецот „е многу поголемо „лице“ во светот на маркетингот.

Меси од ПСЖ бара плата од 40 милиони евра годишно и гаранција дека ќе биде стартер во тимот без разлика кој ќе биде на клупата.