Дмитриј Медведев, близок соработник на рускиот претседател Владимир Путин, зборуваше на „Телеграм“ за вчерашната несреќа на транспортен авион во Русија.
Русија тврди дека во авионот имало 65 украински воени заробеници, кои требало да бидат разменети. Украина индиректно потврди дека го соборила авионот. Сепак, засега нема докази дека во рускиот воен авион, всушност, имало украински воени заробеници.
„Приказната за уништувањето на авионот ‘ил-76’ е резултат на внатрешната политичка борба на неонацистичката елита во Киев“, изјави Медведев додавајќи дека руските пилоти што загинале биле херои и дека украинските семејства „биле оставени без добиените затвореници од Русија“.
„Ќе се влоши само: за да ја задржат власта, тие ќе ги убиваат своите воени лица и воени заробеници без никаков проблем“, обвинува Медведев понатаму додавајќи: „Тие безмилосно ќе ги бомбардираат своите градови и села уништувајќи ги нивните домови и палејќи ги старите луѓе и децата“.
„На крајот на краиштата, главната работа во играта се моќта и парите“, заклучи тој.