Мајк Тајсон на прашањето кој е најдобриот тенисер: Дефинитивно Новак Ѓоковиќ!

Легендарниот боксер Мајк Тајсон кој е познат и како голем љубител на тенисот, уште еднаш одговори на прашањето кој е најдобар, Новак Ѓоковиќ, Рафаел Надал или Роџер Федерер.

„Ѓоковиќ дефинитивно. И Федерер. Ако зборуваме за Ѓоковиќ, одлично е како се опорави од сите тие повреди во текот на кариерата. Знаете, мене лично ми се допаѓа Новак, но јас сум и голем обожавател на Роџер. Кога играше во својот врв, лебдеше. Тој е паметен играч и нема што да се додаде. Што се однесува до Надал, тој е на целиот терен. Одличен тенисер, но неговиот тенис не се споредува со оној што го играат Ѓоковиќ и Федерер“ – изјави Тајсон.

А неодамна Тајсон изјави дека српскиот тенисер ќе биде тој што ќе заврши како најдобар во историјата на „белиот спорт“.

„Новак Ѓоковиќ е мојот фаворит во моментов. Ако е во добра форма, навистина ми се допаѓа да го гледам како игра. Тој ми е омилен поради неверојатното опоравување од повредите, а имаше и неверојатни победи против Федерер и Надал. Вистински борец“ – изјави Тајсон.